विद्युतीय मिनी तथा माइक्रोबस

SET4NPL को कार्यसंरचनाअन्तर्गत ई.एम.बी खरिद गर्दा सार्वजनिक यातायात सञ्चालकहरूले निम्न सुविधाहरू प्राप्त गर्नेछन्:

• SET4NPL का साझेदार बैंक वा साझेदार हायर-पर्चेज कम्पनीहरूबाट विशेष कर्जा/हायर-पर्चेज योजनाहरू
• यदि पुराना डिजेल मिनी तथा माइक्रो-बसहरू स्क्र्याप गरिन्छ भने स्क्र्यापिङ अनुदान 
• चार्जिङ स्टेसन र ई-टिकट प्रणालीका लागि डिजिटल इकोसिस्टम तथा मोबाइल एप्लिकेशन
• प्रत्येक ई.एम.बीमा ई-टिकेटिङ्ग मेसिन, एल.ई.डी रुट डिस्प्ले, जी.पी.एस र इमोबिलाइजर लगायतका सामग्रीहरू पहिले नै जडान गरिनेछ 
• आपतकालीन वा स्लो चार्जर तथा नेपाल विद्युत् प्राधिकरण (NEA) सँग विद्युत् जडानमा सहयोग (चाहिएमा)
• आधारभूत मर्मतसम्भार सम्झौता 

कुन-कुन ई.एम.बीहरू योग्य छन्?

परियोजनाको उद्देश्यअनुसार, SET4NPL का अनुदानका लागि विद्युतीय मिनी र माइक्रो बसहरू (EMB) मात्र योग्य छन्। सन् २०२४ मा भएको SET4NPL सूचीकृत बोलपत्रमार्फत ६ वटा सवारीसाधन विक्रेताहरूका ई.एम.बी मोडलहरू छनोट गरिएका छन्। यी मोडेलहरूले भौतिक पूर्वाधार तथा यातायात मन्त्रालयको निर्देशनमा परियोजनाको प्राविधिक समितिद्वारा तोकिएका न्यूनतम प्राविधिक मापदण्डहरूपूरा गर्छन्। यी प्राविधिक मापदण्डहरूमा सवारीसाधन र ब्याट्रीको कार्यक्षमता, प्राविधिक उपकरण र वारेन्टी सर्तहरू जस्ता महत्त्वपूर्ण विशेषताहरू समावेश छन्।